港究專員一向推薦大家用正當又安全嘅加密貨幣交易所，例如幣安、Matrixport同埋Bybit ，間間交易所都有各自利弊，港究專員為咗安全同埋賺盡每一分毫，都建議大家不妨間間都開戶，盡享迎新禮遇同埋得到唔同交易所推出嘅IDO和Launchpad資格。
另外，為咗方便出入金，十分推薦大家喺附設有C2C功能嘅幣安同Bybit開戶。最近，港究專員親身試驗幣安C2C功能是咪真係安全同埋為大家分享遇到疑似騙子要點處理。
幣安C2C出金步驟
首先，喺幣安做出金前，要跟住以下步驟將資金轉到資金賬戶方可進行出金手續：
- 資金存在「現貨」
- 按「轉賬」，把資金轉到資金賬戶
- 按「C2C」
- 按「我要賣」
- 揀選USDT或其他可接受出金嘅貨幣
- 揀自己接受嘅商戶及其收錢方式，例如FPS／PayMe 等等後按「出售」
- 確認所需金額／數量之後，按多次「出售」就攪掂
步驟睇落好似簡單，不過大家要特別注意如何揀選優質商戶。最近，港究專員留意到有疑似詐騙者騙財，特徵包括：
- 超高單價 (大概高市場匯率3％)
- 支付方式只接受「銀行轉帳」或「SWIFT」
- 賣家登記名稱為外國公司 / 外國人名 (見下圖)
為咗深入虎穴同埋測試幣安出金機制是否完善同埋客服質素，港究專員嘗試揀選咗有晒以上特徵嘅商戶進行一次交易。
當大家嘅交易初步成立後，詐騙者開始發動攻勢 (見下圖)。首先賣家會搏取你嘅信任，講明要你等一陣先收到匯款，又教你如果收唔到錢記得要話畀客服知。之後就會傳啲不知名嘅銀行轉賬圖畀你，仲即刻撳埋「已付款」，要你立即按「確認收款並放行資金」。最後，見你無反應又唔放行，就逼你話等錢交易，再次要求你「立即放行」。
新手見對方又有銀行轉賬圖提供，又話等住你放行，好易心軟就會上當。一旦撳咗「放行」，啲錢就會立即從你嘅幣安戶口轉畀對方，醒覺後先提出上訴可能已經太遲。
舉報詐騙者，安全領回資金
幣安一直都有大量警示信息提醒你如果未確實收到錢，切勿放行。就以上情況，港究專員於幾小時後確認仍未收到錢，即按右上方「舉報」按鈕進行投訴。
向幣安提供銀行紀錄證明沒有收到匯款後，幣安客服亦會要求對方提供錄影作為證據，以證明確實匯款，如果限時內仍未收到證據，此訂單就會交由真人客服安排手動取消訂單。
等了超過24小時後，港究專員再次向幣安客服提供銀行紀錄證明沒有收到匯款，真人客服便立即安排訂單取消。等候取消訂單途中，幣安亦不斷提醒我嘅資金只是凍結狀態而且仍然停留在幣安非常安全，令人安心。
總括來說，幣安C2C出入金流程可謂非常完善，能確保買賣雙方都係確認收到錢或貨後才放行，未經同意幣安不會擅自過數。交易途中亦不斷出現醒目提示語句，提醒慎防騙子。客服處理亦快而準，收到足夠證供夠鐘就做嘢，相當合作。
可能因為多咗好多依類型嘅投訴，最近已經少見咗同類商戶。不過橋唔怕舊，最緊要受，都係要靠自己小心謹慎，唔好咁易上當呀。
如大家仲想了解多啲幣安，可以睇吓依度：
【Bitcoin都可以收息？】最大交易所幣安Binance註冊教學及旗下收息平台幣安寶介紹
立即透過港究專屬鏈接註冊，永久交易費用減少20%。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
