最近有留意開幣市嘅讀者都知道，呢期個市跌到慘不忍睹，大部份人都可能已經將自己嘅資產轉晒做穩定幣，包括USDC / USDT呢種，方便之後再重新入市或者減低風險。
但大家有無諗過，穩定幣顧名思義係掛勾穩定法幣，完全無升幅或者賺錢能力。放喺到又無息收好似差咁啲嘢？今日我哋港究專員就同大家講吓一個喺幣圈算係一定要識嘅機槍池 (流動性挖礦最佳化)。
Beefy.Finance 新手都識用，而且仲有強大嘅自動複投功能，等用家一投入完之後就可以唔洗下下撳掣重新投資返落去。合約每隔一段時間就會自動發放利息，自動複投，非常適合懶人或者拎住穩定幣想收息渡過熊市嘅讀者。
Beefy.Finance 有分為三種，分別係Single Assets，Stable LPs 同Non-Stable LPs。
Beefy.Finance 基本原理
Beefy.Finance 就係將你投資落去嘅錢、賺到嘅利息自動賣出，變成你嘅本金，不停滾大舊錢，複利計算。
Beefy.Finance 依家已經支持多鏈操作，包括大眾經常用開嘅BSC, FTM, CRONOS, POLYGON, AVAX, HARMONY 等等。開始之前記得先留返少少Gas fee，方便進行交易。未有加貨密幣錢包嘅讀者可以參考吓我哋另一份文章先。
目錄
Beefy.Finance 機槍池 (Vaults)
正如一開始所講，三種收益分別有Single Assets，Stable LPs 同埋Stable
Beefy.Finance Single Assets (單一資產)
呢個係指單一資產嘅機槍池入邊，可以做單一幣種嘅抵押(Staking)，用作賺取利息。
喺上邊張圖，我哋可以見到單一資產係比較低APY，而且每個 Platform 提供嘅APY都會唔同，讀者可以花少少時間研究吓。
Scream 所提供嘅利息係高過Geist，Beefy 只係做中間人角色幫你將舊錢放去你指定嘅地方。就好似Prxxe.Com 嗰種比你一次過對照晒市場上嘅平台咁。
港究專員認為單一資產唔太適合熊市拎住，因應幣價而令價值下降，除非長期持有或者一直搏佢熊市完結等升值。
有人會問，點解我唔去嗰個 Platform 而要用Beefy.Finance。因為你喺Beefy 放嘅話，系統會自動幫你重新複投，製造複利收入。唔洗好似其他平台咁claim 完又要再放返落去。
Beefy.Finance Stable LP (穩定幣Pair 流動性掘礦)
呢個係指提供兩種穩定幣用作流動性掘礦，所獲得嘅利息都會高過只係提供穩定幣或者單一資產嘅流動性。
我哋可以見到，穩定幣Pair 收息係兩種中間入邊最平均。而且安全性會比較高，因為穩定幣波動性少同埋熊市大部份人都選擇將資金暫時存放嚟收息。港究專員認為比較適合熊市或者唔太敢喺高風險市場賺錢嘅讀者。
如果要放入去收息嘅話，就需要去返指定Platform增加流動性手續。唔太明白嘅讀者可以參考我地下邊嘅文章：
Beefy.Finance 非穩定幣具風險Pair 流動性掘礦
呢個係因為會有無常損失嘅風險而整成嘅流動性，利息會高過上邊兩個但唔太適合新手或者熊市持有，除非可接受風險能力比較高既讀者。
唔清楚咩係無常損失嘅話，可以參考吓我地下邊嘅文章。
由於我哋今次只係專注喺熊市點樣穩定收息，呢部份我地就暫時唔詳細介紹住。
Beefy.Finance 手續費
喺Beefy.Finance，存入嘅資金全部都唔會收取手續費，但提出時有機會收取0.1%手續費。讀者投入資金之前應該睇清楚。Performance Fee 係指佢用你賺嘅錢抽取指定%作Beefy.Finance 營運基金。基本上你出邊見到嘅APY都已經扣咗呢個%，所以可以放心。
多謝讀者耐心睇，以下係我哋crypto有關嘅文章，有興趣嘅讀者可以撳嚟睇睇：
【2022被動收入之選】近20%年利率回報嘅活期存款加密幣平台 — Anchor Protocol
【加密貨幣收息】Gemini 交易所進軍香港巿場！Gemini Earn穩定幣收息超過8%！開戶仲有USD10嘅BITCOIN送？！
Risk Disclaimer:
本文件載列的所有資訊於編製時被視為準確，但概不保證其準確性，亦不會就任何錯誤或遺漏承擔任何責任。投資者應自行核證。所述觀點與策略不一定適合所有投資者。
投資涉及風險，投資者應做好個人風險管理配置。投資者在進行投資前應索取及閱讀有關產品的細節（包括風險因素）。投資者不應僅依賴本頁面作出投資決定。在使用本頁面以前，投資者應該細閱有關產品的銷售文件，包括風險因素。根據個人財務狀況，確定任何投資，證券或策略是否合適閣下，如有需要，投資者應諮詢專業意見。
本頁面所有資訊旨在提供投資知識相關教育，本頁面並不構成買賣任何投資產品的招攬或承諾。
本頁面並未經證監會審閱，如投資者繼續閱讀本頁面，將視作投資者同意以上條款。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook同Instagram專頁啊，你哋嘅支持同意見絕對係我哋港究專員繼續發掘著數嘅動力，下次見！
