喺呢個網絡發達嘅年代，相信大家唔少個人資料同資產都已經被擺上網。隨住越嚟越多知名網站嘅數據庫都收到黑客入侵，各大科技龍頭 Apple、Google、Facebook、都推出了雙重驗證機制 (Two-Factor Authentication，簡稱2FA) 嚟保護客戶嘅資產安全。用2FA就可以大大降低賬戶被盜嘅機率，2FA嘅做法其實都有好多種，常見嘅有SMS通知做二次驗證，或是用特定裝置上嘅動態密碼嚟做2FA，常見有銀行開戶送嘅保安編碼器，而今日港究專員要為大家介紹嘅係使用App Authy做2FA。
我哋都有介紹各間熱門VPN，保障你嘅網絡安全，歡迎睇睇。
Table of Contents
點解用Authy唔用SMS做2FA
其實用電話SMS驗證係依家最方便同最簡單，亦都係最多公司使用嘅方式。因為出街可能會唔記得帶銀包、鑰匙但無咩可能唔記得帶電話，所以對使用者係十分方便嘅一種方式。雖然SMS驗證好方便，但事實上係唔夠安全嘅。從2010年首次發現黑客針對手提電話而來嘅中間人攻擊之後，呢種手法就層出不窮，2016年甚至喺俄羅斯同巴西等地，有黑客直接出售木馬攻擊程式。除咗唔安全呢個因素，更換電話、去咗外國、信號唔好、同埋需要收錢都係SMS驗證嘅幾個缺點。
雖然目前使用手機App作為2FA嘅比例唔算高，由於智能電話嘅普及，現代人機不離身，未來使用手機App將會係2FA主流，因為App 2FA安全性更加高，而且唔需要額外再帶一個裝置。
依家好多公司都支援同時綁定幾種2FA，即係使用SMS驗證嘅同時，再加一把鎖，用埋手機App做驗證。大家都係成年人，對於網絡安全，咁係我全都要啦~
Authy VS Google Authenticator
講到App驗證大家一般第一個諗到嘅就係Google Authenticator，亦都受好多公司嘅推薦。Google Authenticator其實唔係唔好，只係唔夠人性化，以下港究專員會列出幾點Authy優勝嘅地方。
Google Authenticator缺少多設備支援及備份
透過Authy，你可以同時喺幾部設備上同步2FA指令，所有資料都會喺雲端加密。而Google Authenticator只支援喺一部電話上使用，如果電話遺失，換新電話、又或者唔小心Del咗，要一個個申請停用，向公司提交身份證明文件，再去新電話啟用，真係十分浪費時間。而透過Authy，可以直接喺其他設備使用，兼可以將唔見嘅設備取消授權。相信好多讀者睇港究介紹，都開咗幾間加密貨幣交易所啦，俗語有云：「幣圈一日，人間一年」，一個唔小心可能分分鐘會耽誤成十年！有Authy之後呢個現象唔會再發生！雖然有人可能會覺得咁樣可能安全性會降低，但呢個功能係Optional，隨時可以Disable，呢個就係佢人性化之處！
Google Authenticator唔支援電腦使用
(撳吓上面嘅圖可以放大睇教學~)
綁定Binance
(撳吓上面嘅圖可以放大睇教學~)
立即Download Authy→
我哋都有分享其他加密貨幣交易所，歡迎睇睇。
【Bitcoin都可以收息？】最大交易所幣安Binance註冊教學及旗下收息平台幣安寶介紹
如果想分享 / 更快收到各種優惠著數，歡迎加入我哋港究Telegram討論區。仲有唔好漏咗Follow Kong’s Cult嘅Facebook專頁同埋 Instagram 專頁 ，你哋嘅支持同意見絕對係我哋港究專員繼續發掘著數嘅動力，下次見！
