最近收到唔少讀者問我哋，港究專員有無其他網格工具可以提供呀？BitUnvierse有時有Bug，個Team又無無咩Support咁，搞到停晒工咁，雖然係幾方便好用，但關鍵時候咁樣好無癮喎。
有！絕對有！今次港究專員又搵到隻新嘅網格工具，方便讀者可以更加詳細Set grid。除此之外，更加多功能令你輕鬆瞓住賺錢。
今次我哋介紹嘅係3Commas，功能比起BitUniverse更多、更詳細，設有免費版同埋收費版 (月費或年費)，今次港究專員為咗呢篇介紹，特登買咗個Pro版年費同大家試一試佢！
未用過交易機械人唔知有咩好處嘅讀者可以參考下BitUniverse呢篇文，記得要使用3Commas之前，都要好似下文咁Connect你交易所嘅API啊！
緣份到了躺著也賺錢！？識用BitUniverse 網格交易即刻佛系賺錢！
比較下邊間加密貨幣交易所適合鏈接3Commas？歡迎睇睇我哋以下文章。
簡單啲介紹吓3Commas，3Commas係一個比較全面嘅加密貨幣交易平台，都可以畀用戶用網格自動交易之外，仲有兩個比BitUnvierse優勝嘅地方，包括跟蹤同複製成功交易者嘅投資，創建同跟蹤頂級投資組合，設定 Profit Trailing 交易。喺3Commas簡稱DCA Bot (美元成本平均機器人)，算係一個比較有特色嘅Bots。同埋一個衍生工具專用嘅機器人。
DCA Bot其中一個特色Profit Trailing 係當升嘅時候可以設定追盈利，之後設定一個回溯比例(Trailing deviation)，等你可以持續追求高獲利，又同時避免反彈造成利潤損失。
可能有讀者睇完呢段唔太明，唔緊要！港究專員呢到用一張圖同大家解釋吓！
用個例子嚟解釋吓，假設我哋10蚊買入，佢不停升不停升，升到15蚊或者20蚊，個Bot都係唔會賣走你啲貨，但假設如果Trailing Stop set咗2％，只要喺20蚊嘅時候跌咗2％，系統會自動幫你用現價賣出。咁就唔會因為波幅而影響之前賺咗嘅利潤！
除此之外，你可以Copy人哋嘅買賣記錄，跟人地自動賣出或者買入；對自己有信心嘅讀者，可以自己組合一堆Coins，方便AI根據當時情況自動購入或者賣出你Package入邊嘅Coins。
至於無乜信心嘅讀者，3commas都提供咗比較容易嘅方式，就係只要輸入返你可以投資嘅金額，再選擇返可以接受嘅風險程度，咁就撳一個掣就可以完成Bot設定。啱晒平時唔太識或者無咁多時間留意加密貨幣嘅讀者！
另外，唔好以為3Commas嘅實力只係得咁多，佢期權方面嘅設計都好X強大。除咗一般嘅買賣之外，佢仲會有AI即時顯示依家係Bull (牛市) 定Bear (熊市)，加埋唔同Strategy方便應對唔少情況，唔止圖中嗰啲，因為太多Cap唔晒畀大家睇。
由於呢個算係進階版本，建議讀者有興趣嘅話可以自行參考或者到我地Telegram Group詳細交流～呢到今次只會輕輕帶過。
最後一個功能，回歸初心～普通網格交易，BitUniverse每次只係可以開兩個同一個Coins嘅網格，覺得好煩？爆網格又要熄咗佢再開？唔緊要～3Commas加強版等比你唔洗煩咁多！
3Commas嘅Grid Bot分為三類，分別係Preset（預設，即係你可以預設條件，條件觸發先啟動Bot），Composite（合成，即係你可以添加幾個Pair同時交易，自製對沖套利）以及Simple（即係類似BitUniverse果種，簡單Set做多或者做空），完全覆蓋到新手同專業交易者嘅需求！
除此之外，你仲可以喺現有網格加減每個網格購買嘅數量！唔需要成個網格熄咗佢，係唔係方便好多呢？一樣可以用AI，自己填入金額就可以。
建立好網格之後，記得要撳綠色「Active」掣先係正式開始架！同埋Run咗一段時間之後，想加注或者修改每格網格購入數量，可以撳返「Edit」作修改，咁就唔駛重開網格啦～想了解多啲嘅話都可以參考下官方俾嘅Tips and Tricks~
當然有咁多好嘅地方，自然要科水啦～文章開頭我哋都已經講咗係用緊Pro版，可以無限開唔同網格～仲有得Paper Trading俾你做backtest，新手讀者都可以唔用真錢體驗下個效果先。未試過嘅者唔緊要，只要依家註冊就會有3日Pro版畀大家試到啱試到準！3Commas價錢如下：
用我哋港究專員條Link註冊，如果讀者買以月付嘅方式嘅話，會自動有返個9折畀你架 (只限第一個月)！
港究專員認為，Pro版係值得買嘅，因為佢嘅功能真係加強咗好多好多，同埋個Support好過BitUniverse 好多，加上有埋App方便大家隨時登入～另外，更可以連接2FA 保持安全性，兼可設定用Telegram收取Bot嘅status，例如買賣記錄、網格係唔係差唔多爆或者係有異常時，3Commas都可以以Telegram即時通知你～方便你處理。
有關2FA嘅資料，可以參考吓我哋另一篇文章架！
（←按圖即睇文）
對於3Commas，讀者若有任何使用上嘅問題，或者想交流加密貨幣其他玩法。歡迎留言或者加入我哋討論區，參與討論。
【伸延閱讀：【幣安Binance】合約網格交易介紹 分享使用心得及注意事項】
【伸延閱讀：躺着賺錢系列：Pionex期現套利工具輕鬆賺年化15-50%穩定收入(附詳細教學)】
之前我哋港究專員都介紹咗加密貨幣簽賬卡Wirex卡以及CRO卡，歡迎睇睇。
想靠加密貨幣搵額外收入可以去睇吓港究專員嘅其他推介：
【一路上網一路賺錢系列】CryptoTab – 專掘加密貨幣嘅Browser
【網絡安全必備】想唔洗VPN都可以有加密鏈接仲可以搵下錢? Brave Browser啱曬你心意
正所謂「別將雞蛋全放在同一個籃子」，想試吓加密貨幣收息平台？ 歡迎試用
Celsius Network—每個禮拜派息嘅加密貨幣收息平台
【無需任何鎖倉！】穩定幣收息高達12.7%年化率，加密貨幣收息平台YouHodler教學
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！依家我哋仲登陸埋MeWe平台，唔好漏咗Follow Kong’s Cult嘅MeWe、Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
