2023年Crypto又再次成為大家嘅話題，最近市場上流傳嘅一份融資資料顯示，原三箭資本創始人 Su Zhu 同埋 Kyle Davies 正喺度籌建一間新嘅中心化加密交易平台「GTX」，融資目標 2,500 萬美元。
除咗三箭嘅兩位核心人物，CoinFLEX 嘅兩位聯合創始人 Sudhu Arumugam 同埋 Mark Lamb 都參與咗 GTX 嘅創建。
自從 FTX 化咗灰，因為Luna事件沉寂咗好耐嘅 Su Zhu 突然開始活躍，仲成日喺Twitter吹水，近排仲分享多年前同 FTX & Alameda 嘅恩恩怨怨，去年年尾佢仲曬咗 2019 年嘅聊天記錄，顯示自己喺多年前就對 Alameda 抱有懷疑。仲喺Twitter同埋 Terra 創始人一齊討伐 SBF。近排流傳嘅依份名為「GTX」加密交易平台嘅融資資料，不論是從命名，定係從內容來看，都同 FTX好類似，或者咁講，唔通GTX就係要成為下一個好似FTX 未GG前咁強嘅加密交易平台?
GTX 係做咩嘅呢？
GTX 嘅定位係瞄準加密貨幣嘅理賠市場，或者叫債權市場，先拿 FTX 嘅債權起家。
Su Zhu 認為，單從 FTX留下嘅爛攤子嚟睇，就係一片目前擁有 100 萬債權人同埋市場規模達 200 億美元嘅新大陸。FTX 嘅用戶，就係債權人，佢哋無辦法從平台提出資產，而目前嘅債權市場以反鎖嘅流程以及高手續費，令小額債權人嘅追數之路困難重重。
而 GTX 依類債權交易平台嘅出現，畀債權人多咗一個選擇，除咗等待數年 (參考 Mt Gox 嘅例子) 嘅法院判決，佢哋依家就只可以用 10% 左右嘅折價換出現金，轉讓債權。
當然市場上目前已經有同類產品，比如 Xclaims，依個平台依家就可以畀債權人以 13% 左右嘅折價轉讓自己嘅債權，不過缺點除咗高手續費，Xclaims 並沒有做成一個流動市場。Su Zhu 想要嘅係交易，就好似 BTC 個啲訂單簿掛單咁、時刻充滿深度嘅債權交易市場。市場之前咁牛，亦只有 Mt Gox 一個平台好難做得成，亦因為有 2022 年發生嘅連續破產事件先形成咗依一個咁大嘅市場。
傳統金融當然都有債權市場，不過並沒有一家面向全球嘅平台，而加密貨幣嘅優勢就是 Token 化同埋高流動性，依兩個優勢令加密貨幣嘅債權市場多咗一啲機會。同埋，FTX 亦未必係最後一個黑天鵝，債權市場規模亦不會只有 200 億美元。
團隊成員
GTX 資料中顯示佢哋係一個 60 幾人嘅團隊，由開發人員同埋擁有 10 年 CEX 運營經驗嘅專業運營人員組成。
最值得關注嘅非聯合創始人莫屬，三箭資本嘅兩位聯創 Su Zhu、Kyle Davies，以及 CEX 平台 CoinFLEX 嘅兩位聯合創始人 Sudhu Arumugam 同埋 Mark Lamb 四個頭像印喺資料上非常矚目，三箭出晒事係人都知，CoinFLEX 交易平台同樣係舊年 8 月宣佈破產重組。
其他高層包括首席技術官 Kent Deng，曾任職阿里巴巴、騰訊、甲骨文同埋華為嘅技術團隊。
首席行銷官 Leslie Lamb，曾就職雷曼銀行，之前喺 Amber Group 作為機構銷售主管，同時都係 Amber Group 旗下知名加密播客 Crypto Unstacked 嘅內容創作者。
暫時睇資料，GTX 計劃用 2 – 3 個月就可以上線，底層技術、硬件配套、資金人材通通都話唔係問題。除咗加密債權，GTX 預計亦會入侵股票借貸市場。對於依片新興市場，應該會有唔少投資人有興趣，不過佢哋依家連平台樣都未有，港究專員會持續跟進 GTX 動態，到時再同大家手把手重投Crypto嘅熱潮。
延伸閱讀：
【加密貨幣基礎知識】今日幣圈知多一點點 V神老母加持嘅加密貨幣 Metis
【加密貨幣基礎知識】Fantom生態推薦使用 SpookySwap
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
