睇返成個 2022 年，加密貨幣投資領域完成咗從狂熱到寒冬嘅 180 度大轉變。
2022 年 Q1，Crypto 投資市場以超過 100 億美元嘅融資總額，問鼎咗自比特幣誕生以來嘅單季投資記錄，同時亦創出連續 7 個月嘅正向增長記錄，期間嘅資本增量高達 260 多億美元，成就咗前所未有嘅加密投資黃金時代。
之後，伴隨著 Luna 嘅崩盤同美聯儲嘅持續加息，從第二季度開始，Crypto 資本市場開始掉頭向下，無論係機構出手次數定係投機金額都開始顯著減少。
喺市場轉熊之後，仲有邊啲機構保持住投資嘅積極性呢？佢哋關注嘅賽道又有邊啲？根據 CB Insights 統計和公開市場資料，整理出嚟今年 5 家最活躍嘅加密投資機構以及其投資版圖，依啲資訊或許者可以畀我哋做未來趨勢判斷時提供參考。
1、Coinbase Ventures
作為一間美國 CVC 機 (Corporate Venture Capital)，Coinbase Ventures 依託於交易平台嘅品牌優勢，喺整個 2022 年大舉進攻，係所有投資機構中出手次數最多嘅一間。喺前三個季度，佢分別投資嘅次數為 30 次、17 次同 23 次，第四季度，根據公開信息統計，目前已有 11 筆嘅投資記錄，合計達到 81 次。
此外，據 crypto-fundraising 資料，Coinbase Ventures 投資企業數量累計有 157 間，亦即係話喺 2018 年成立嘅 Coinbase Ventures，2022年投出嘅專案數量超過咗過去三年嘅總和，即使係喺熊市依舊保持相對高頻嘅出手次數。
喺 Coinbase Ventures 投資版圖方面，主要集中喺基礎設施同 DeFi 領域，特別係前者，目前新生嘅公鏈中不少都睇到 Coinbase 嘅影子，如果從專案融資金額嚟睇，今年其參與超過 1 億美元級別嘅專案僅有 Yuga Labs、Sui、Aptos 同 Layer Zero 四個項目。
2、Animoca Brands
Animoca Brands 成立於 2014 年，本係香港一間專注手機遊戲研發公司，之後轉型成為數位資產企業，通過向遊戲玩家提供 NFT 數位資產服務，乘著 2021 年 NFT 嘅發展東風，迅速成長為區塊鏈遊戲領域嘅頂級玩家，並逐漸發展成為鏈遊領域嘅專業投資公司。相比其他投資機構，Animoca Brands 鑒於其本身嘅屬性，其投資嘅專案大多係鏈戲、NFT 或與鏈上遊戲相關嘅衍生項目，亦向其他領域擴展。
喺佢嘅投資版圖中，遊戲始終係 Animoca Brands 嘅核心，喺數量上，遊戲類佔咗佢今年所有投資項目嘅 60% 以上，超過 1 億美元嘅項目融資中只有三個，分別係 Yuga Labs、Polygon 及 Ronin。前三季度，Animoca Brands 分別出手投資 34 次、23 次和 8 次，Q4 已公佈嘅投資記錄係 5 筆，分別係借貸協議 Liqiwid、遊戲 foragers and fighters、NFT 項目 Wanderers、元宇宙專案 VCORE 同遊戲資料引擎 thirdwave。
Animoca Brands 全年總計投資咗近 70 家企業，喺活躍度上僅次於 Coinbase Ventures。但從 Q1-Q4 投資數量嘅變化嚟睇，Animoca 嘅投資戰線大幅度收縮，雖然整個投資市場亦都萎縮緊，但相比 Coinbase、a16z 等機構，Animoca Brands 嘅收縮程度更加明顯，咁都反應出加密遊戲領域受到嘅市場環境衝擊可能更大。
3、Andreessen Horowitz (a16z)
a16z 作為一間美國嘅頂級 VC 機構，喺 Crypto 領域有著極大嘅影響力，前三季度 a16z 投資次數分別係 13 次、22 次同 8 次，第四季度目前公開嘅記錄係 6 筆，分別投向 MMO 遊戲 foragers and fighters、zkSync 開發公司 Matter Labs、Web3 開發者平臺 buildspace 、Uniswap、Web3 電商平臺 Ray 和及加密資料協議公司 Golden。
今年 a16z 總計投資咗 50 多間企業，主要分佈喺區塊鏈服務應用、公鏈及遊戲等領域，其中參投金額超過 1 億美元專案多達 17 個，呢點比之前提及嘅 Coinbase Ventures 同埋 Animoca Brands 都要多，一般嚟講融資超過 1 億美元嘅專案都已發展出一定嘅競爭力，渡過咗最早期嘅發展階段，說明咗 a16z 更加偏向於相對成熟嘅加密初創企業，並押注大量資金，當然亦進一步表明咗 a16z 雄厚嘅資金實力。
喺呢啲融資億元項目，除咗 Sui、Aptos、Aleo、zkSync 等耳熟能詳嘅項目之外，仲有諸如：Nova Labs、Autograph、Alecemy 等社區討論相對較少嘅項目，而且喺呢啲項目中，a16z 仲係以領投嘅角色深度參與嘅。
4、Shima Capital
Shima Capital 係一間總部位於三藩市嘅投資基金，喺 2022 年嘅四個季度中，分別投資嘅專案數量係 16 間、10 間、8 間同 7 間。今年最大嘅兩筆投資分別頭投咗鏈遊 GunZ 及 L2 網路 boba，但參與嘅項目融資金額都無超過 1 億，甚至超過 1,000 萬美元嘅專案都唔多，參與 1,000 萬美元以下嘅融資項目佔咗全年嘅近 69%，所以從資金體量角度嚟講，Shima Capital 都無法同上面幾個機構相提並論。
5、Pantera Capital
風險投資基金 Pantera Capital 由 Dan Morehad 喺 2003 年喺美國創立，2013 年轉型為加密貨幣投資機構並啟動咗美國首個專注於比特幣嘅投資基金，此後又籌集多個加密投資基金。喺整個 2022 年，Pantera Capital 四個季度分別投資嘅企業數量為 16 間、13 間、8 間和 3 間，以總數 40 間排喺活躍度排行榜嘅第 5 位。
喺投資賽道分佈中，DeFi 同遊戲佔據主導地位，所參投嘅項目中融資超 1 億嘅只有一家 – We3 開發者平臺 Alchemy，其餘嘅專案融資金額大多喺 1,000 萬美元以下，處於依個級別嘅項目數量佔咗其全年投資數量嘅近 70%。
Pantera Capital 相對更偏向於早期嘅項目，喺一啲藍籌億元級別嘅融資項目中少有佢嘅影子，所以對於挖掘早期項目嘅人嚟講，多多關注依類投資機構或者係不錯嘅選擇。
總結
除咗上述 5 家投資機構之外，好似 Jump Crypto、Multicoin Capital、Dragonfly 甚至於死亡前嘅 Alameda 都喺熊市階段保持一定嘅活躍度，而且從資本體量和投資金額方面比上面嘅 Shima Capital 同 Pantera Capital 都要大，但總體嚟睇，各機構嘅勢能明顯不如去年，除此之外，整個加密投資市場仲持續萎縮緊，無論係從融資金額、數量定係項目估值等方面都縮水緊，目前依舊處於美聯儲加息嘅大通道下，2023 年嘅投融資市場可能會更加慘。但同時，對於資金實力雄厚嘅資本嚟講，都係一個「撿漏」嘅絕佳機會，特別係喺熊市仲保持活躍嘅機構值得我們重點關注。
注意：加密貨幣價格有時會大幅波動，價格可升可跌，投資涉及風險，更可變得毫無價值。投資前應先閱讀有關產品的發售文件、財務及相關的風險聲明， 並應就本身嘅財政同需要詳細考慮投資是否切合本身特定嘅投資需要。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
