之前港究專員同大家介紹過唔同加密貨幣收息平台，主要都係屬於中心化交易所，一般而言，如果無項目方補貼，喺中心化交易所質押嘅收益通常比DeFi (去中心化金融平台) 少，亦都可能會錯失搶頭礦嘅機會。今次港究專員就分享一個實用嘅DeFi工具畀大家 — COINDIX係一個DeFi分析網站，可以用作查找及比較DeFi項目嘅掘礦資訊！
COINDIX簡介
COINDIX 提供於27條公鏈上、近 8000個機槍池 (vaults) 嘅即時收益 (APY) 數據畀使用者查詢。另外亦會顯示提供流動性嘅獎勵以邊種代幣發放，鎖倉量 (TVL) 等數據都可以查詢得到。比較常用嘅功能係查詢穩定幣嘅 APY，例如USDT、USDC、DAI、UST等，當然，亦都可以搵到其他高回報嘅掘礦項目！
挑選原則
1. 項目評價
項目名稱前嘅㘣點以顏色區分 (如上圖)，從綠色 (風險最小)、黃綠色(風險低)、黃色 (中度風險)、橙色 (高度風險)至灰色 (尚未評價)，例如Anchor存UST嘅項目係黃綠色，代表風險低；Libo存ETH嘅項目係綠色，代表風險最小。
可以進一步查看項目資訊，Lido安全系數屬於最少風險，存ETH APY有3.8%
2. 項目鎖倉量
可以按項目鎖倉量作排列，一般高鎖倉量嘅項目風險會較低，APY或相應會較低。以USDT為例子，可以見到鎖倉量最大嘅係AAVE上，APY有3.06%。
而熱門穩定幣UST目前鎖倉量更達120億，APY有19.49%。
3.年收益 (APY) 排列
下圖顯示第二項，以太鏈嘅Bancor平台USDT年化收益 (APY)可達到23.64%，係非常唔錯嘅穩定幣項目，而且項目評價安全係數屬於低風險。
高風險Autofarming項目
注意事項：
大家應該要注意各公鏈嘅交易成本，例如以太鏈係比較貴，本金唔夠大會十分蝕底，分分鐘會賺唔返個gas fee，所以每次操作前要先諗清楚再行動。
另外每個項目都有跑路 (rug pull) / 被駭客入侵 (hack) 風險，DeFi世界永遠係風險隨住回報，愈高回報嘅項目風險相對會愈高，呢個亦係點解DeFi回報會較中心化交易所高咁多嘅原因，喺區塊鏈嘅世界，每個項目都有風險，有平台本身風險，包含智能合約漏洞、經濟代幣模型不佳、鏈上操作失誤嘅狀況都有可能發生，港究專員喺到再次提醒大家做好功課同風險分散，可於不同平台分批投入資產，千祈唔好將雞蛋放喺同一個籃！
想低風險少少，可以參考一啲鏈下嘅收息平台，同樣都可以提供比做定期更高嘅收益：
玩加密貨幣唔洗落場嘅，用收息平台就得！一文同你睇清四大收息平台BlockFi / Celsius / Nexo / Youhodler 點樣用收最多息！
【加密貨幣收息】Gemini 交易所進軍香港巿場！Gemini Earn穩定幣收息超過8%！開戶仲有USD10嘅BITCOIN送？！
想繼續知道更多有關加密貨幣第一手資訊嘅你記得畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
