玩開加密貨幣嘅人可能習慣咗大風大浪，一隻幣跌五成都仲講緊Strong Hold My Bro。但對於無玩開嘅人嚟講就唔係個個都接受到。近期有銀行推出低息借貸，唔少人諗住借返嚟用虛擬銀行收息。咁有無更加善用現金流嘅方法？除咗將錢放晒上賭枱All in 之外，其實用加密貨幣穩定幣收息都係唔錯嘅選擇。港究專員以下即刻同大家比較幾個熱門穩定幣收息方法，助你輕鬆達到投資目標！
即刻睇：
四大收息平台
平台特色
BlockFi
**2022年6月更新：因為三箭資本事件影響，使用前請注意風險**
BlockFi 適合用作長期定存。四間之中，BlockFi嘅背景最有底氣：USD30 億完成D 輪融資、即將準備上市、獲大家較熟悉嘅SOFI 同Coinbase 作投資，呢啲都係反映BlockFi 實力嘅證明。BlockFi 支援美元定存，BTC，ETH嘅利率都相對高。雖然一個月先計息 / 免費提存一次，但用作長期定存可以話最合適不過。
Nexo
每日計息、支援即日提存、持平台幣提高利息，呢啲都係歐洲加密收息平台Nexo嘅優點。如果持有Nexo平台幣，只要超過某一百分比息率會多2%，派息揀平台幣再多2%，最多可以收成12%息。用嚟暫存隨時要用嘅幣，Nexo 可能係最靈活方便嘅平台。
Celsius
**2022年6月13日Celsius 暫停了提款、交易及轉賬，直至另行通告，使用前請注意風險**
玩加密貨幣話就話透明，但好似成日唔知啲project 做緊咩咁？Celsius 每星期出weekly report 話畀你知佢做緊乜。Celsius財務狀況係四間入面最透明嘅一間，唔單止有每星期有email send 嚟話你知本週Celsius 動態，用戶亦都可以喺app 睇到用戶數量更新、平台總存款 / 提取。USDT / USDC基本利率有8.88%，同Nexo 一樣，持有Celsius平台幣最高率可達12%。
Youhodler
雖然用戶量及知名度都無另外三間咁高，但Youhodler 係四間入面提供最高利息兼支援幣安BSC Chain 嘅收息平台。有別於其他平台要入平台幣先提高利息，用戶喺Youhodler乜都唔洗做就可賺12%嘅利息。平台除咗收息，仲可以做槓桿借貸及網格交易。呢啲都係Youhodler嘅優勢。
使用前你要知：
乜都唔洗做剩係入錢就咁高回報？用呢啲平台之前，用戶絕對需要明白當中風險：
一：所有平台不設投資者保障。如果平台突然因為任何原因而關閉，所有資金都唔會拎得返。
想有保障又有比銀行定存高嘅回報率，當然要搵返合資格嘅股票券商： 二：匯款成本。除咗Youholder之外，幾個平台最大嘅缺點都係提存要行ERC-20 鏈，以2021年10月計算，依家提存一次要USD25或以上。不過有喺FTX 做緊FTT staking或者有Matrixport 戶口嘅你，可以使用平台提供嘅ERC fee waive service 做存取。唔想煩要開多個Acc嘅，可以用BlockFi 每月一次免費提存服務轉錢去其他平台。
三：穩定幣不穩定。雖然USDT / USDC聲稱同美元掛鉤，但發行穩定幣嘅機構真正持有幾多美元無人知。除咗穩定幣追擊手Bloomberg多次對USDT 掛鉤嘅資產有質疑之外，USDT 母公司Tether 日前被美國商品期貨交易委員會（CFTC）就USDT嘅資金狀況罰款4,100萬美元。雖然呢次民事罰款係首次有法定機構承認USDT係「商品」，亦都可以話罰咗錢就解決咗，但穩定幣係咪真係穩定依然會係加密貨幣以及相關收息平台嘅計時炸彈。
可能係最佳嘅收息玩法
講咗咁多，對呢啲平台有興趣嘅投資者點樣做先係最優化嘅策略？由以上平台特色可以留意到，資金分成四份平均投放可以減低Total Loss 風險；BlockFi放BTC / ETH以及長期唔郁嘅幣最理想，利息亦都係相對較高；中短期唔係點郁嘅穩定幣放Youhodler，即使要提幣都唔會倒蝕利息；短期靈活資金放Nexo，每日收息，效率最高；最後預留一份喺Celsius玩promotion拎獎勵，得到嘅回報隨時令你意想不到！最後，出金袋袋平安當然係投資最重要嘅課題。唔肯定點樣出金最好？呢度睇一文3分鐘就明白晒。
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！ 如果想分享 / 更快收到各種優惠著數，歡迎加入我哋港究Telegram討論區。
最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅 Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
