NFT 係一個以火箭速度發展嘅新事物，每一日每一條公鏈都有好多項目推出及發售，而與此同時，NFT 嘅各種配套基礎設都逐漸開發同埋日益完善。
之前港究專員都同大家簡單介紹過咩係NFT，又教大家點樣買賣兼自製NFT — NFT 熱潮即將來襲！一文學識買賣兼自製NFT！知道大家都會留意ETH鏈嘅NFT，因為多明星撐場又有炒作能力，好多前期玩家都成功搵到致富機會，但有時太多項目好難跟得上，所以推薦大家瀏覽FLIPS，係一個 NFT 專門跟蹤撤單、地板價和交易量嘅分析工具。入面有晒最新NFT嘅成交量同埋有圖表分析，分分鐘將來仲可能會有一堆專門分析NFT嘅TA，真正做到同公幣一樣無咁「虛擬」，有價有市。
頭先講過，每條公鏈都會有或者即將會有自家嘅NFT Marketplace，火爆公鏈Fantom都唔例外，都出咗好多NFT交易平台同項目。港究專員當然都唔放過任何一個黃金機會，同大家分享吓以下幾個平台，等新人加入時都可以得到最齊備嘅資訊。
Fantom 元老級NFT平台PaintSwap，喺Fantom鏈上嘅開放式 NFT 市場、自動做市 (AMM) 去中心化交易所 (DEX) 和 Yield Farming 平台，功能齊備。最近PaintSwap仲自家推出咗NFT，買咗佢哋嘅NFT – Beardies 之後可以賺到交易費，叫做唔係買咗張JPEG咁簡單。
Artion 介面同 OpenSea 好似，簡約嘅風格並以白藍兩色建構整體頁面。但跟 OpenSea 唔同嘅，Artion 唔收取任何交易手續費，OpenSea 則固定收取 2.5%，再加上ETH鏈上不時由於交易擁塞導致的勁貴 Gas Fee，用戶常常需要再多付一筆額外費用。另外，Artion 鑄造 NFT 嘅費用降低咗好多，從之前 10 FTM 降至 1 FTM (約 1.2 美金)，相較ETH鏈上最少需要數十到數百美金嘅鑄造費用來得相宜。
NFTKEY 係一個新建同埋有跨鏈嘅NFT平台，佢支援BSC、ONE、AVAX同FTM鏈。所以有好多高階玩家都會上依個平台，貪佢一眼睇晒4條鏈嘅NFT。
同埋，NFTKEY有個好好嘅小功能，就係可以睇到成個NFT系列嘅Rarity程度，透明度高咗，咁就對自己擁有嘅資產都會了解多咗。
如何交易 FTM？
介紹咗3個Fantom 鏈上嘅NFT Marketplace，想+Join又可以點做呢？目前於大部分交易所都可以購買 FTM，例如常用嘅Binance幣安、OKEx等，都可以買到 FTM，而幣安更可以將FTM轉到其他錢包，例如Fantom官方錢包或Metamask用作其他Defi項目，網絡費用每次亦只需0.01FTM，比起其他網絡包括ERC20、BSC更加低廉。
延伸閱讀－加密貨幣轉賬平台
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章 Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
