上次港究專員為大家介紹咗TU評級、信貸報告同埋相關嘅常見問題，想回顧返可以睇返 自己TU評級自己查！申請信用卡、貸款、按揭前先了解自己信貸情況 呢篇文章。今次港究專員就同大家講多啲信貸評級係點樣影響到借錢批核結果同埋貸款利率，亦會分享一啲改善信貸評級嘅方法！
信貸評級影響私人貸款申請
正如上一篇文章提及，信貸評級係財務機構審批貸款、信用卡等信貸產品嘅參考準則之一，信貸評級嘅高低反映借款人嘅違約風險，評級愈好違約嘅機率愈低。因此，信貸評級良好嘅借款人一般可獲得較優惠嘅實際年利率 (APR)；而信貸評級較差嘅朋友通常獲批嘅APR就會較高 (利息較高)，甚至會被財務機構拒絕信貸申請。
下圖係TU環聯整合嘅信貸評級同實際年利率嘅相關數據，可以見到不論係財務公司或者銀行，信貸評級A對比信貸評級I，實際年利率可以相差兩倍以上！
想透過投資理財早日實現財務自由？睇埋以下港究專員嘅心得啦！
TU對信用卡及按揭申請嘅影響
喺信用卡申請方面，信貸評級固然係批核嘅準則之一，信貸評級嘅高低對信用卡申請批核成功與否、批核信用額額度(Credit Limit)都有影響。當然，申請人嘅職業、收入同埋還款紀錄等亦係影響批核結果嘅重要因素。
喺物業按揭方面，雖然樓按貸款會有物業作為抵押品，但你嘅信貸評級仍然會影響最終按揭獲批核嘅貸款利率、年期、按揭成數等信貸條款。換言之，若果你嘅信貸評級較唔理想，即使你希望買嘅係400萬或以下嘅住宅物業，都可能會做唔到最高嘅9成按揭，或可能需要支付較高嘅按揭利息，或以低於25年或20年嘅較短年期供款。因此，建議有意置業人士喺申請按揭貸款前3個月先查閱個人信貸報告，以免落訂後但不獲批出按揭貸款。
改善信貸評級方法
如果本身信貸評級唔太靚仔，想執返正的話，可透過以下方法逐步改善：
1. 每月準時還清卡數同貸款
2. 每張信用卡使用率最好控制於50%或以下，唔好用到盡
3. 主動處理卡數問題，避免欠款隨利息與日俱增，需要時可申請結餘轉戶貸款
4. 定期查閱並核對信貸報告嘅資料，發現錯誤時提出修正
5. 短時間內唔好向唔同金融機構申請貸款嚟格價，應好好利用資訊網站嚟比較貸款、信用卡、按揭等信貸產品
鐘意呢篇分享嘅話希望大家畀Like支持下我哋，Subscribe或者Bookmark我哋就可以即時收到更多優惠資訊 / 介紹，有咩問題歡迎留Comments！
如果想分享 / 更快收到各種優惠著數，歡迎加入我哋港究Telegram討論區。最新消息，我哋最近仲新增咗多個Kong’s Cult 最新文章Telegram Channel，只要Join Channel，每逢有新文章出爐就會同步收到，勁方便！！唔好漏咗Follow Kong’s Cult嘅Facebook同Instagram專頁啊！你哋嘅支持同意見絕對係我哋港究專員繼續發掘著數嘅動力，下次見！
忠告：借定唔借，還得到先好借！
